सुर्खेत : कर्णाली प्रदेशमा नेपाली कांग्रेस सरकारमा जाने तयारी गरेको छ । दुईवटा मन्त्रालयसहित कांग्रेस सरकारमा जाने तयारी गरेको हो ।
प्रदेश सभा सांसद दिनबन्धु श्रेष्ठले बिहीबार नै कांग्रेस सरकारमा जाने तयारी गरेको बताए । ‘सरकारमा जाने विषयमा तयारी भइरहेको छ’ सांसद श्रेष्ठले भने, ‘आज या भोलीसम्म मन्त्रीपरिषद्ले निर्णय गर्छ ।’
कांग्रेसले सामाजिक विकास मन्त्रालयमा यज्ञबहादुर बीसी र जलस्रोत तथा उर्जा विकास मन्त्रालयमा दीनबन्धु श्रेष्ठलाई पठाउने तयारी गरेको छ । मुख्यमन्त्रीको पद जोगाउन महत्वपूर्ण भुमिका निर्वाह गरेको कांग्रेसले दुईवटा मन्त्रालय माग गरेको थियो ।
