मकवानपुर । हेटौँडा उपमहानगरपालिकाकी मेयर मिना कुमारी लामाको राजीनामा माग गर्दै जेन्जी समूहले प्रदर्शन गरेको छ । मेयर लामाको अभिव्यक्ति प्रति असन्तुष्टि व्यक्त गर्दै जेन जी पुस्ताले राजीनामा माग गरेको हाे । मेयर लामाले सोमबार तराई मधेसका विद्यार्थीलाई विभेदपूर्ण अभिव्यक्ति दिएकी थिइन् ।
आक्रोशित युवाहरूले मकवानपुर बहुमुखी क्याम्पस प्राङ्गणमा रहेको स्ववियु र दलका भातृ सङ्गठनका बोर्डहरू समेत तोडफोड गरेका छन् । उनीहरुले प्रधानमन्त्री केपी शर्मा ओलीको राजीनामा समेत माग गरेका छन् ।
सरकार विरुद्ध नाराबाजीसहित मुख्य नेताहरूको घर घेर्न प्रदर्शनकारी नगर परिक्रमा गरिरहेका छन् । प्रदर्शनकारीहरूलाई सर्वसाधारणले समेत समर्थन रहेको छ ।