सोलुखुम्बु । नेचासल्यान गाउँपालिका, गाउँ कार्यपालिकाको कार्यालय, सोलुखुम्बुले विभिन्न पदहरूमा करार सेवामा जनशक्ति आवश्यक परेको भन्दै सूचना प्रकाशित गरेको छ। साउन ११ गते प्रकाशित सूचनामा स्वास्थ्य तथा प्राविधिक क्षेत्रमा ९ जना जनशक्तिको माग गरिएको हो।
गाउँपालिकाले स्थानीय तहमा आवश्यक देखिएको सेवाहरूलाई प्रभावकारी रूपमा सञ्चालन गर्न करार सेवामा कर्मचारी भर्ना गर्न लागेको जनाइएको छ। भर्ना प्रक्रियाका लागि ७ दिनभित्र कार्यालयमा उपस्थित भई वा इमेलमार्फत् दरखास्त दिन सकिनेछ।
माग गरिएको पद र संख्या:
-
अवधारण अधिकारी – १ जना
-
सह-इन्जिनियर – २ जना
-
अ.न.मी. (ANM) – २ जना
-
स.अ. (CMA) – १ जना
-
स.हे.व. (CHA) – ३ जना
तलव सुविधा:
पदअनुसार न्यूनतम रु. १५,००० देखि अधिकतम रु. २०,००० सम्मको मासिक सेवा सुविधा उपलब्ध गराइने जनाइएको छ।
आवश्यक योग्यता:
-
अवधारण अधिकारीको लागि स्वास्थ्य सम्बन्धित विषयमा कम्तिमा स्नातक तह उत्तीर्ण गरी नेपाल स्वास्थ्य व्यवसाय परिषदमा दर्ता प्रमाणपत्र आवश्यक।
-
सह-इन्जिनियरको हकमा सिभिल इन्जिनियरिङमा प्रमाणपत्र तह वा सो सरहको योग्यता।
-
अन्य स्वास्थ्यकर्मी पदका लागि सम्बन्धित विषयमा आवश्यक प्रशिक्षण र परिषदमा दर्ता प्रमाणपत्र अनिवार्य।
आवेदन दिने तरिका:
इच्छुक उम्मेदवारहरूले गाउँपालिकामा स्वयम् उपस्थित भई वा nechasalyan345@gmail.com मा दरखास्त पठाउन सक्नेछन्। फाराम बुझाउने अन्तिम म्याद सूचना प्रकाशित मितिबाट ७ दिनभित्र तोकिएको छ।
