मकवानपुर । जिल्ला प्रशासन कार्यालय मकवानपुरले कर्फ्यु आदेश जारी राखेको छ । मंगबार दिउँसो १ बजेबाट लगाइएको आदेशलाई निरन्तरता दिएको हो ।
प्रमुख जिल्ला अधिकारी स्किम श्रेष्ठले स्थानीय प्रशासन ऐन, २०२८ को दफा ६ (क) बमोजिम प्राप्त अधिकार प्रयोग गरी अर्को आदेश जारी नभएसम्मका लागि कर्फ्यु आदेश जारी गरेकी हुन् ।
आदेशअनुसार, कर्फ्यु लागू भएको अवधिभर मकवानपुर जिल्लाभरि कुनै पनि प्रकारको आवतजावत, भेला, जुलुस, प्रदर्शन, सभा, बैठक र घेराउ जस्ता गतिविधि गर्न पूर्ण रूपमा निषेध गरिएको छ ।
प्रशासनले जिल्लाको शान्ति सुरक्षाको अवस्थालाई मध्यनजर जारी गरिएको उक्त आदेशको उल्लङ्घन गर्ने जो कोहीलाई कानुनबमोजिम कारबाही गरिने प्रशासनले चेतावनी दिएको छ ।
