सरकार बनाउन बहुमत जुटाउने प्रयासमा छु : प्रधानमन्त्री ओलि

  • प्रकाशित मिति : May 21, 2021
  • sthaniyasarkar.com

काठमाडाैं : प्रधानमन्त्री केपी शर्मा ओलीले आफू संविधानको धारा ७६ (५) अनुसार पनि प्रधानमन्त्री बन्ने प्रयासमा रहेको बताएका छन्।
‘अहिलेसम्म त म सँग १ सय २१ मत भार छ नि, त्यसो हुँदा त मलाई बहुमत पुर्‍याउन अहिले सजिलो होला कि भनेर कोशिश गरिरहेको छु, उनले भने, यदि समर्थन प्राप्त भयो र राष्ट्रपतिलाई भरपर्दो लाग्यो भने र उहाँले नियुक्त गर्नुभयो भने मैले सरकार बनाउँछु।’

बालुवाटारमा आयोजित पत्रकार सम्मेलनमा सञ्चारकर्मीको प्रश्नमा जवाफ दिँदै प्रधानमन्त्री केपी शर्मा ओलीले राष्ट्रपतिले दिएको साँझ ५ बजेसम्मको समयमा सरकार बनाउनका लागि आफुपनि बहुमत जुटाउने प्रयासमा लागेको बताएका छन।

उनले सञ्चारकर्मीलाई भने ‘सरकार बनाएँ भने एक महिनाभित्र विश्वासको मत लिनेछु, उनले भने, त्यसबेला पनि विश्वासको मत कसैले दिएन भने संसद विघटन गर्यो भन्न पाइने छैन।’