काठमाण्डौ : बाराको कलैया उपमहानगरपालिकामा घाँटी रेटेर हत्या गरिएको अवस्थामा दुई जना बालकको शव फेला परेको छ ।
कलैया उपमहानगरपालिका ७ रंगपुर टोल बस्ने जफार अन्सारीका ९ वर्षका छोरा उस्मान र ७ वर्षका छोरा अमिनको घाँटी रेटेर हत्या गरिएको अवस्थामा शव फेला परेको बाराका प्रहरी प्रवक्ता गौतम मिश्रले जानकारी दिए ।
दुवैजना बालकको शव सोही स्थानमा निर्माणाधीन अवस्थामा रहेको मदर्साको भवनमा भेटिएको उनले बताए ।
सोमबार साँझ खेल्न गएका दुवैजना बालक बेपत्ता भएका थिए। मंगलबार बिहान दुवै जनाको विभत्स शव गरिएको अवस्थामा शव भेटिएको मिश्रले बताए ।
घटनास्थलमा अहिले प्रहरी टोली पुगेको र थप अनुसन्धानको लागि महोत्तरीको बर्दिबासबाट तालिमप्राप्त कुकुरको टोली मगाइएको उनले बताए ।
