निषेधाज्ञाको नियम उल्लङ्घनगरे भोग्नुपर्ने सजायहरु

  • प्रकाशित मिति : April 29, 2021
  • sthaniyasarkar.com

कोरोनाभाइरस सङ्क्रमण नियन्त्रण तथा रोकथामको प्रयास स्वरूप उपत्यकाको तीन जिल्ला काठमाण्डू, ललितपुर र भक्तपुर जिल्ला प्रशासन कार्यालयहरूले बिहीवार ( बैशाख १६) बिहानबाट एक साताका लागि( उपत्यकामा थप एकसाता लम्बिने) निषेधाज्ञा कार्यान्वयनमा ल्याउँदैछन्।

सर्वसाधारण ले प्रशासनले तोकेको नियम विरुद्ध गए वा तोकिएको नियमपालना नगरे(नियम उल्लंघन )  देहायको बमोजिमको सजाय भोग्नुपर्ने छ।

सजायहरु

•जिल्ला प्रशासन कार्यालयहरूले सङ्क्रामक रोग ऐन, २०२० को दफा २ र स्थानीय प्रशासन ऐन, २०२८ को दफा ६ को उपदफा ३ द्वारा प्राप्त अधिकारको प्रयोग गरी निषेधाज्ञासम्बन्धी आदेश जारी गरेका छन्।

•सङ्क्रामक रोग ऐन, २०२० अनुसार उक्त ऐनअन्तर्गत दिइएको आदेशलाई अपहेलना गर्ने व्यक्तिलाई एक महिनासम्म कैद वा एक सय रुपैयाँसम्म जरिवाना अथवा दुवै सजाय हुनसक्छ।

•उक्त ऐनअन्तर्गत अधिकृत व्यक्तिहरूलाई काममा बाधा पुर्‍याउनेलाई ६ महिनासम्म कैद वा ६०० रुपैयाँ जरिवाना अथवा दुवै सजाय हुनसक्छ।

•स्थानीय प्रशासन ऐन, २०२८ अनुसार प्रशासनको आदेश उल्लङ्घन गर्ने व्यक्तिलाई प्रमुख जिल्ला अधिकारीले पाँच सय रुपैयाँसम्म जरिवाना वा एक महिनासम्म कैद अथवा दुवै सजाय गर्न सक्नेछन्।