दाङ : प्युठानमा स्वर्गद्वारी जाँदै गरेको जीप दुर्घटनामा परेको छ । गुल्मीको जिल्ला प्रशासन कार्यालयका कर्मचारी सवार गाडी दुर्घटना हुँदा तीन जनाको मृत्यु भएको हो ।
नयाँ वर्षको छुट्टी मनाउन कर्मचारी लिएर गुल्मीबाट प्युठानको स्वर्गद्वारी जाँदै गरेको उक्त गाडी प्युठानको रुमाले भन्न स्थानमा दुर्घटनामा परेको हो ।
जिल्ला प्रहरी कार्यालयका प्रहरी निरीक्षक देवीप्रसाद गैरेले भने, ‘बुधबार बिहान स्वर्गद्वारी नगरपालिकास्थित मन्दिरभन्दा ५०० मिटर तलको सडकमा जीप दुर्घटनामा परेको हो ।’
लु १ ज १६५५ नम्बरको जीप सडकबाट डेढ सय मिटर तल खसेको हो ।
उनका अनुसार दुर्घटना हुँदा दुई जनाको घटनास्थलमै मृत्यु भएको छ ।
‘दुई जनाको ‘स्पटडेथ’ भएको छ,’ प्रहरी निरीक्षक गैरेले भने, ‘एक जनाको भने उपचारको क्रममा प्राथमिक स्वास्थ्य केन्द्र भिंग्रीमा मृत्यु भएको हो ।’
